Í sambandi við stóru hondbóltskappingin, verður í kvøld skipað fyri ymiskum bæði til yngri og eldri. Tjald er sett upp í miðbýnum og kl. 19.00 verður skipað fyri diskotek og sangspølum.
Kl. 20.00 fer partur av manningini, ið skipaði fyri hugnaløtum í VB-húsinum undir Corona, at skipa fyri felagssangi, áðrenn vælumtókti Ingi Poulsen kemur at runda kvøldið av við sangframførslum, men um tey vaksnu hava hug at halda áfram at syngja, so verður sjálvandi hildið fram.
Í gjárkvøldið var hópin av fólki í tjaldinum, har tey spældu, sungu og hugnaðu sær, eins og møguleiki var at keypa sær okkurt gott. Eisini matstøðini í grannalagnum høvdu nógvar gestir, sum eisini løgdu leiðina inn í tjaldi til prát og hugna.
Tiltakið í kvøld er ókeypis og vóna fyriskiparnir at bæði ung sum eldri, lokal eins og vitjandi koma við.
Skráin:
19.00-19.55 Barnadiskotek og sangspøl
20.00-20.45 Syng við – Dagfinn, Finn og fleiri skipa fyri
20.45-21.00 Ingi Poulsen syngur